4/23/2013

حراسك مش ناسيين


حراسك مش ناسيين


ام الدنيا الولادة
60 سنة كاب و بيادة
بقت العبودية عبادة
و كلام الحاكم دين

و السجن كنيسة و جامع
و القِبلة حيطان و موانع
و النور محبوس مش طالع
من شباك الزنازين

و الحب شيطان كدّاب
و العدل مالوش أحباب
و الحق واخدنا غياب
في كشوف البني آدمين

و فـ لحظة ثورة صرخنا
و كسرنا الباب و خرجنا
و سجدنا للي نصرنا
و هتفنا في الميادين

و ملينا الدنيا أغاني
و ملينا القايمة أماني
و عزفنا كلام و معاني
عن حلم جابوه ملايين

و في وسط الضلمة فانوس
و بدال الشمس شموس
و بدال النوم فـ كابوس
أحلام بِخـَضار بساتين

و إدّينا الكل أمان
و وثقنا في ندل جبان
و وعدنا الوعد و خان
و قلب كل الموازين

و رجعنا لنفس الباب
لقيناه محروس بكلاب
و سَمانا ماليها ضباب
و طريقنا ماليه تعابين

يا وطن و الدم ماليك
و العار و الذُل كاسيك
لو كان الكل ناسيك
حرّاسك مش ناسيين

الصرخة الجاية طوفان
هتدوّي في كل ميدان
و هتضرب كالبركان
و ده وعد الحر و دين

بقلمي - بيتر ميشيل - 20 ابريل 2013

10/17/2012

وآدي آخرة اللمونة يابا يابا ع اللمونة

وآدي آخرة اللمونة يابا يابا ع اللمونة


هلا هالله ع اللمونة يابا يابا ع اللمونة
الأخوان ركبونا ..  يابا يابا ع اللمونة


هلا هالله ع اللمونة يابا يابا ع اللمونة
و في النهضة اشتغلونا  ..  يابا يابا ع اللمونة


هلا هالله ع اللمونة يابا يابا ع اللمونة
في الـ 100 يوم كروتونا ..  يابا يابا ع اللمونة


هلا هالله ع اللمونة يابا يابا ع اللمونة
وبراءة للي قتلونا  ..  يابا يابا ع اللمونة


هلا هالله ع اللمونة يابا يابا ع اللمونة
و قلادة للي باعونا  ..  يابا يابا ع اللمونة


هلا هالله ع اللمونة يابا يابا ع اللمونة
و في التحرير ضربونا  ..  يابا يابا ع اللمونة


هلا هالله ع اللمونة يابا يابا ع اللمونة
و في الدستور خدعونا  ..  يابا يابا ع اللمونة


ودي آخرة اللمونة  يابا يابا ع اللمونة

بقلمي - بيتر ميشيل - 17 أكتوبر 2012

6/13/2012

تحرش لا إرادي

تحرش لا إرادي !!


انهاردة يوم التدوين ضد التحرش الجنسي في مصر ، و أكيد مفيش حد منكم هيقرا التدوينة و يقول في نفسه : تحرش إيه هي مصر فيها تحرش؟ و الا يكون بيشتغل نفسه
حاولت اكتب حاجة مفيدة في صميم الموضوع ، ملقتش غير كلام اصحاب المشكلة الاساسية وهم البنات ، و بما اني حاولت ادردش مع كام بنت في الموضوع دا و آخد رأيهم و اسمع منهم ، بما فيهم اختي .. بس للأسف الموضوع بالنسبالهم اسرار عسكرية ، الله يكون في عونهم شايلين في قلبهم و ساكتين ، فملقتش قدامي غير تدوينات شيرين ثابت في الموضوع دا ، لأنها جابت م الآخر



#ﻫﻞ_ﺗﻌﻠﻢ ﺍﻥ ﻏﺎﻟﺒﺎ ﺍﻱ ﺭﺍﺟﻞ ﻃﻮﻳﻞ ﻋﺮﻳﺾ ﻳﺸﻮﻑ ﺑﻨﺖ ﺑﺘﺘﻤﺴﻚ ﻣﻦ ﺃﻱ ﻣﻜﺎﻥ ﻓﻲ ﺟﺴﻤﻬﺎ ﺑﻴﺘﻔﺮّﺝ ﻭ ﻣﺎﺑﻴﺤﺎﻭﻟﺶ ﺣﺘﻰ ﻳﻘﻮﻝ ﻛﻠﻤﺔ ﻟﻠﻤُﺘﺤﺮّﺵ؟
#ﻫﻞ_ﺗﻌﻠﻢ ﺍﻥ ﺍﻟﺒﻨﺖ ﻣﻤﻜﻦ ﺟﺪﺍً ﻭﻫﻲ ﻣﺎﺷﻴﻪ ﻓﻲ ﺍﻟﺸﺎﺭﻉ ﺗﺴﻤﻊ ﺍﻱ ﻋﺒﺎﺭﺓ ﻋﻦ ﺍﻱ ﺗﻔﺎﺻﻴﻞ ﻓﻲ ﺟﺴﻤﻬﺎ ﻭ ﺣﺘﻰ ﻋﻦ ﺃﻋﻀﺎﺋﻬﺎ ﺍﻟﺘﻨﺎﺳﻠﻴﺔ؟
#هل_تعلم ان ممكن جداً واحدة (منقبة) تبقى واقفه في اوتوبيس و فجأه يتم التحرش بيها جسدياً و بكل الطرق الممكنة؟ و #هل_تعلم ان ماحدش بيتحرّك غالباً؟
#هل_تعلم انه من الغريب ان البنت تخرج وتروّح بيتها من غير ما تسمع كلمتين تلاتة عن اراء المواطنين في صدرها؟ وبكل الألفاظ الممكنة؟
#هل_تعلم ان لو لبس البنت مش عاجب سيادته بيعتبر التحرّش بيها حق مكتسب له؟ والغريب هو ان الناس تحاول تمنعه؟
#هل_تعلم ان في واحد غبي على تويتر بيسألني دلوقتي انتي واثقة من الكلام ده؟ و عرفتي منين؟
#هل_تعلم ان سواق الميكروباص مرة طلع نص جسمه من الشباك و شتم البنت كل الشتايم الأبيحة هي و أهلها عشان زرارين الشيميز بتاعها مفتوحين؟ ولما اتخانقت معاه شتمني وكان هايضربني و الرجاله اللي في الميكروباص مانطقوش؟
#هل_تعلم ان مرة واحد على سلّم المترو كان نازل جنبي بيقولي أقذر الألفاظ ولما شتمته كان هايضربني و اتلموا الناس يلوموني انا عشان صوتي عالي؟
#هل_تعلم ان في خان الخليلي شباب بيعاكسوا 24 ساعة بمنتهى قلة الادب ولو اتخانقت معاه هايبجّح و يقل ادبه اكتر ؟؟ عن تجربة
#هل_تعلم ان مافيش اي فرق بين قذارة المتحرشين مع المحجبة و قذارة المتحرشين مع غير المحجبة؟ وماينفعش حد يفتي في ده غير بنت جربت الحالتين.
#هل_تعلم ان ممكن جداً كل فترة تقابل واحد في الشارع قرر يفتح بنطلونه ويفرّج البنات على عضوه الذكري بالعافية؟
#هل_تعلم ان ما فيش بنت فاتها أي لفظ أبيح في شوارع مصر؟؟؟ كلنا بنسمع كل الكلام اللي ممكن أي حد يتخيله؟؟؟ وبنحمد ربنا انها جت على قد الكلام ومامدّش ايده؟؟؟
#هل_تعلم ان لو بنت مشيت في الفجالة هاتتعاكس بمعدّل كلمة مش محترمة كل 3 ثواني؟ و #هل_تعلم ان حصل مشكلة كبيرة بسبب كده من اسبوعين لإن اصحاب المحلات هرّبوا المتحرش اللي ضرب البنت لما شتمته؟
#هل_تعلم ان في واحد تاني على تويتر بيقولي مدام البنت لابسه محزّق يبقى التحرش عمل ايجابي؟
#هل_تعلم ان بعد عملية التحرّش بتفضل البنت متوترة و اطرافها ساقعة وفاقده القدرة على الكلام لمدة تعتمد على طريقة التحرش؟
#هل_تعلم ان أكتر من نص المُتحرش بهم بيتكسفوا يحكوا لأهلهم من كتر البشاعة؟ يعني لو حد قالك ترضاها لاختك وقلت اختي بتلبس محترم، لا يا بأف اختك بتتعجن بس انت اللي ماتعرفش.
#هل_تعلم ان في انسان على تويتر تعليقاً على موضوع خان الخليلي بيقولي: يبقى انتي عايزة كده ليه بتروحي هناك وانتي عارفة؟
#هل_تعلم ان اي بنت هاتقف في الشارع مستنية تركب او مستنية حد ، عادي جداً يعدي عليها عربيات تفتحلها الباب و البأف اللي جوة يدعوها للدخول؟ على اعتبار انها اكيد عاهرة الى ان يثبُت العكس؟ خصوصا في شارع خاتم المرسلين هرم

5/09/2012

تقرير عن محكمة القضاء الإداري بمجلس الدولة و قائمة ببعض الأحكام التاريخية

محكمة القضاء الإداري  أنضف محكمة في مصر و أشرف مستشارين ..



قائمة ببعض الأحكام التاريخية للمحكمة

1- قضت محكمة القضاء الإداري بمجلس الدولة برئاسة المستشار محمد الحسيني بوقف تنفيذ قرار رئيس الجمهورية- بوصفه الحاكم العسكري- بإحالة 40 من معتقلي الإخوان المسلمين إلى المحاكمة العسكرية، وذلك للمرة الأولى التي يَصدُر فيها حكمٌ بالطعن على قرار رئيس الجمهورية [مايو 2007]


2- قضت المحكمة بوقف قرار الحكومة بمنع حملة كسر حصار غزة من الوصول إلى معبر رفح البري، وهي الدعوى التي أقامها الدكتور أحمد رامي عضو مجلس نقابة الصيادلة و25 فردًا من أعضاء اللجنة الشعبية لمواجهة حصار غزة ضد كلٍّ من: رئيس الجمهورية، اللواء حبيب العادلي وزير الداخلية، المشير محمد حسين طنطاوي وزير الدفاع، بصفتهم؛ طعنًا على قرار الحكومة المصرية منع قوافل حملة كسر الحصار مؤخرًا عن الذهاب لمعبر رفح القضاء الإداري يوقف قرار الحكومة منع حملة كسر الحصار [نوفمبر 2008]


3- قضت محكمة القضاء الإداري بوقف تنفيذ قرار الحكومة بطرد أهالي جزيرة القرصاية من أراضيهم، وتقنين أوضاع أهالي الجزيرة، وقضت بأحقية أهالي القرصاية في جزيرتهم [نوفمبر 2008]


4- قضت محكمة القضاء الإداري بوقف قرار الحكومة بتصدير الغاز الطبيعي إلى عدة دول من بينها إسرائيل [نوفمبر 2008]


5- أصدرت المحكمة حكما بإلغاء قرار وزارة الداخلية بإنشاء وحدة الحرس الجامعي داخل جامعة القاهرة، وكلَّفت الجامعة بإنشاء إدارة أمنية مدنية تكون تابعةً لرئيس الجامعة مباشرةً وليس وزارة الداخلية [نوفمبر 2008]


6- قضت المحكمة بوقف تنفيذ قرار وزير التعليم العالي ورئيس جامعة الإسكندرية بنقل وبيع مقر جامعة الإسكندرية بحي الشاطبي إلى منطقة أبيس [ديسمبر 2008]


7- قضت المحكمة، للمرة الثانية، في جلستها باستمرار تنفيذ الحكم السابق إصداره منها والذي قضى بوقف تصدير الغاز المصري لإسرائيل بأسعار تقل عن الأسعار العالمية وقيمتها السوقية وإلزام الحكومة بتنفيذ الحكم بمسودته، وذلك في تحد لطعن الحكومة علي الحكم السابق [يناير 2009]


8- «القضاء الإداري» تلزم الحكومة بتنفيذ حكم بطلان عقد «مدينتي» [نوفمبر 2010]


9- أوقفت محكمة القضاء الإداري بمجلس الدولة، برئاسة المستشار الدكتور محمد عبد البديع عسران، نائب رئيس مجلس الدولة، الأحد، تنفيذ قرار نقيب المحامين حمدي خليفة، بضرورة إلزام كافة المحامين باستصدار تراخيص تفيد مزاولتهم لمهنة المحاماة من خلال النقابة. [ديسمبر 2010]


<<<<<<<<<بعد الثورة>>>>>>>>>>

5/07/2012

إيه يعني حمار

بقلمي : ....... قصيدة "إيه يعني حمار"


.
.
إيه يعني حمار ..
إيه يعني حصار ..
إيه يعني الفنجري و العصّار
إيه يعني كلاب مسعورة ، و نار
إيه يعني شاهين ..
إيه يعني بدين ..
إيه يعني كلابهم في الميادين
إيه يعني الجيش عبد السلاطين
إيه يعني الناس شايفة و ساكتين

2/05/2012

الحديث عن "قانون" الطوارئ هو عبث


الحديث عن "قانون" الطوارئ يا سادة .. هو عبث
الطوارئ حالة أمنية مشددة حيث تمر البلاد بمرحلة غير مستقرة أمنيًا ..
مقابل هذا نعطي - نحن الشعب - الصلاحية للشرطة بأن تقوم بإجراءات استثنائية لكي تقوم بحفظ الاستقرار و أخذ احتياطات زائدة و مشددة تجاه أي موقف أمني .. بما يدعم حفظ الأمن لأقصى درجاته .. هذا هو قانون الطوارئ
أمّا فيما نعيشه في مصر هو ليس قانون بل يجب ان نسميه "حق بلطجة" الداخلية على الشعب
فإطلاق كلمة "قانون" الطوارئ هي بمثابة إعطاء حق البلطجة لكل ظابط أن يسحب أي مواطن مصري "من قفاه" إلى قسم الشرطة لمجرد الاشتباه فيه أو لمجرد التسلية عليه !!
و يعطي الحق للظابط في القبض على أي عدد متجمهر يزيد عن 3 اشخاص أو تفريق التجمهر !!
لذلك عند الحديث عن إلغاء هذا القانون فهو شئ عبثي .. فهل ننتظر من بلطجي المنطقة الذي يفرض على منطقته إتاوة شهرية .. ان يتنازل عنها عندما نسميها نحن "حق إتاوة البلطجي" ؟
فتسمية الطوارئ بـ "قانون" قد جعلت سيادة الظابط على أي مواطن .. و فرض سيطرته و بلطجته و الاعتداء عليه قولا و فعلا .. هو حق أصيل بموجب هذا القانون .. بل حق قانوني لا يعاقب عليه
و بالتالي فلا يوجد ظابط عاقل يستغنى عن حقوقه هذه و عن سلطته المطلقة تجاه مواطنين لا حول لهم ولا قوه
و بالتالي نجد - و بكل بجاحة - وزير الداخلية يطالب مجلس الشعب بإعادة حالة الطوارئ .. لأننا نحن بالاساس اقتنعنا انها حق الداخلية ..
فلا خجل من أن يطالب وزير داخلية بحقه .. فهل هناك أي عيب في أن يطالب البلطجي بحقه الذي منحه الناس إياه و وافقوا بالاجماع على أنه حقه ؟!! .. عجبي
فإذا كان وزير الداخلية لا يستطيع ان يحفظ الأمن بدون أن يسطو على حقوق المواطنين و يمارس عليهم بلطجة مبررة بموجب عار اسمه قانون الطوارئ
فالاحرى به أن يخجل من نفسه و يستقيل و يداري خيبته و فشله ..

قال يا فرعون مين فرعنك ؟ .. هُم اللي سمّوني فرعون !!
فمن أطلق على الطوارئ لقب قانون .. و من قبل بهذا اللقب .. يتحمل عقباه وهي أنه قد اصبح هذا الـ "قانون" حق مطلوب لكل بلطجي من بلطجية الداخلية

1/14/2012

الشعب يريد إسقاط النظام .. حدّش عنده مَخْرَج؟

الشعب يريد اسقاط النظام

الثوار : الشعب يريد إسقاط النظام
مواطن شريف : نظام إيه يا جماعة ماهو النظام سقط خلاص ؟ ..

إجابة تنم عن جهل صاحبها بالوضع الراهن و عدم اطلاعه و متابعته للأمور !! ..
و بالتالي تحتاج إلى طريق طوييييييييييييييييييييل و شرح كثييييييييييير كي تقنعه أن النظام لم يسقط
نفس الشرح و الرغي و الحديث الذي كررناه .. عندما تم استبدال نظيف بشفيق
فكرت ثم فكرت .. ثم وجدت طريق أقصر من ذلك !! .. لكن الطريقين تقاطعوا في نقطة .. لم أجد لها مخرج

الثوار : الشعب يريد إسقاط النظام
مواطن شريف : نظام إيه يا جماعة ماهو النظام سقط خلاص ؟ ..
الثوار : محنا عارين انه سقط .. متفقين معاك
مواطن شريف : و الجيش حمى الثورة
الثوار : مظبوط الجيش حمى الثورة
مواطن شريف : و المجلس العسكري عمل نظام جديد
الثوار : مظبوط .. كلام جميل
مواطن شريف : و المجلس العسكري عمل انتخابات .. و هيسلم البلد في شهر يونيو
الثوار : انتخابات زي الفل .. و انا مصدق انه هيسلم البلد في يونيو اللي فات
مواطن شريف : طيب بقى اومال عاوزين إيه ؟
الثوار : الشعب يريد إسقاط النظام
مواطن شريف : منا قلتلكم ان النظام سقط .. و المجلس العسكري عمل نظام جديد
الثوار : ما احنا عارفين النظام سقط و المجلس العسكري عمل نظام جديد
مواطن شريف : اومال نظام إيه اللي يسقط
الثوار : الشعب يريد إسقاط النظام "الجديد" .. كلاكيت تاني مرة .. آكشن
مواطن شريف : ماهو قال هيسلم السلطة .. مش قادرين تستنوا كام شهر ؟!!

و هنا تقاطع الطريقين .. و تقاطع مسار مبارك مع مسار العسكري .. و عدنا لنقطة الصفر
حدّش عنده مَخْرَج؟

و أخيرا ..


1/11/2012

معز مسعود الداعية الانساني

معز مسعود .. الداعية الانساني !!

الأديان رسالة سامية هدفها الأول هو الارتقاء بمستوى الانسانية لدى البشر .. و ارثاء قيم العدل و الحب و التسامح و المواطنة و الحقوق و المساواه إلى آخر كل هذه المعاني الانسانية .. ليس فقط الأديان السماوية التي تنظر للسماء و تدعو الله إلهًا .. بل حتى الأديان التي تعبد البقر و الشمس و التماثيل و النجوم ..
فيما تهتم الكتب السماوية في شرح هذه القيم و المفاهيم الانسانية .. نتعجب نحن من الحكمة الالهية و المدُركة و غير المُدركة .. و نبتهج و نتفاعل مع المعاني السامية بكل شفافية و بالفطرة الانسانية و الموجودة في الانسان منذ المولد ..
و لكن للأسف و للأسف و للأسف .. عندما تنتقل الحكمة الالهية للبشر عن طريق بعض الجهلاء المرضى المختلين .. يفقد المرء هذه النظرة المليئة بالإعجاب و الابتهاج ... و يفقد الاحساس بالحكمة الالهية .. بل و يذهب في الاتجاه المعاكس هربًا من هؤلاء .. فيبدأ بسب و لعن الأديان و الخالق و المخلوق و الانسانية بأكملها !!

1/09/2012

دولة الشباب تسحق دولة العواجيز

دولة الشباب تسحق دولة العواجيز


دولة الشباب تسحق دولة العواجيز
في الوقت الذي تسابق فيه العواجيز من "مثقفين" و صفوة الشعب المصري في التعاطي مع الثورة و الحدث الأعظم في مصر منذ أن ولدوا فيها و رأوا شمسها
فظهر تعاطي العواجيز مع الثورة في صورة اكتفاء بما انجزته الثورة في ثلاثة ايام من تغيير الحكومة "ثلث الحكومة" و تعيين نائب رئيس جمهورية !!
فقد أطل علينا نجوم كثر كبار نحبهم و نعشقهم و نجلهم و نحترمهم .. و كنّا نصدقهم و للأسف لم يعد الكثير منّا يصدقهم .. لكن اقرأوا معي التدوينة لآخرها ربما تصدقونهم من جديد
الاستاذ حسن يوسف و الاستاذة سماح أنور .. الاستاذ الكبير محمد صبحي و النجم عادل إمام .. الصحفي "الحر" مفيد فوزي .. و الكابتن احمد شوبير
الفنان احمد بدير و الصحفي عماد الدين أديب ...........
و أسماء أخرى كثيرة .. اتفقوا على اكتفاء الثوار بما حققوه في أول ثلاث أيام من الثورة و العودة للمنازل
و إحساسي هو ان هذا كله بصدق نية و بدون تواطؤ أو نفاق أو انحياز لنظام مبارك .. و لكن

1/05/2012

كيف تحمي حسابك و صفحتك على فيس بوك من الاختراق و السرقة

كيف تحمي حسابك و صفحتك على فيس بوك من الاختراق و السرقة

عندك صفحة على الفيس بوك ؟ .. عاوز تحمي الصفحة من الاختراق ؟ ..
عاوز تحمي صفحتك و حسابك من المتطفلين و الاغبياء ؟

تابع معايا الشرح دا .. و نفذه بالحرف .. لأقصى درجة من درجات الأمان و الحماية

الخطوة الأولى : المتصفح

12/24/2011

غباء القيادات المصرية و غباء العسكري

الغباء هو تكرار نفس الفعل بنفس الاسلوب .. و انتظار نتيجة مختلفة
هل نستنتج من هذا ان منشأ الغباء هو مصر؟ ..
نظرة سريعة
1- عام 52 قام الضباط الاحرار بالانقلاب على الملك و استولوا على الحكم و أسسوا الدولة العسكرية بقيادة محمد نجيب .. و القوا كل الموالين للملك في السجون و المعتقلات
2- بعدها بحوالي عام انقلب عبد الناصر على محمد نجيب و نفاه و قبض على النشطاء و الثوريين و وضعهم في السجون و المعتقلات
3- في عام 1970 مات عبد الناصر و جاء السادات أفرج عن معتقلين عبد الناصر .. و سجن رجال عبد الناظر و ظباط السجون الذين عذبوهم .. و وضعهم في المعتقلات
4- اغتيل السادات في 1981 و جاء مبارك و قبض على كل الاسلاميين الذين اخرجهم السادات و صنعهم .. و اسكنهم المعتقلات و قام بتعذيبهم
5- خُلع مبارك على يد الشعب المصري في 2011 و تم سجنه على ذمة قضايا كثيرة هو و رموز نظامه ..
6- تولى المجلس العسكري إدارة البلاد بدأ ينقلب على الثوار و يقبض على بعضهم و يضعهم في المعتقلات .. و يغتال البعض الآخر بالرصاص .. و يكمم كل الافواه

منتظرا ان يقدر على فعل ما لم يستطع فعله محمد نجيب ولا عبد الناصر ولا السادات ولا مبارك
السؤال الآن .. مين اللي عليه الدور ينقلب على المجلس العسكري و يضع كل كلابه و رموزه في السجون و المعتقلات ؟

المجلس العسكري قبل و بعد

المجلس العسكري قبل و بعد
المجلس العسدري قبل و بعد
المجلس العسكري قبل و بعد

12/21/2011

الرسالة رقم 8750 للمجلس الأعلى للقوات المسلحة

الرسالة رقم 8750

قتلوه يمّا .. إهداء لروح الشهيد علاء عبد الهادي

بقلمي : ....... قصيدة "قتلوه يـَمّا"
إهداء لروح الشهيد علاء عبد الهادي


.
.
قتلوه يـَمّا
ضربوه بالنار
و صبح بلطجي و سوابق
مع سبق الاصرار
رايح مندس و متخفي وسط الثوار

دبحــوه يـَمّا
دبحوا الأحرار
و اندبح القلب
في كل مدار
على موته
فـ قايمة سيل جرّار
من شهدا كتيـر
ملو التحريــر
المسقي شوارعه بــدم و عــار
;