9/19/2011

اضراب المعلمين في مصر - هل هي بداية ثورة التعليم؟


طول عمري بفكر ازاي نصلح منظومة التعليم في مصر ، و كان دايما السؤال هو : البيضة الاول ولا الفرخة؟
يعني مش عارفين نبتدي منين ..
هل نبتدي من المناهج عشان نفتح عقل الطالب للاستيعاب و المذاكرة و الفهم بدل الحفظ زي الحمير؟ وساعتها مين هيدرسله المناهج الجديدة لما كل المدرسين بقر؟
هل نبتدي من تنشئة المدرس في كلية التربية عشان يطلع مدرس محترم فاهم يعني إيه تعليم؟ طيب منين هنجيب ناس تدرسله الكلام دا اذا كان اساتذة الجامعة نصهم بصمجية !!
هل نبتدي من اطفال ابتدائي عشان هم اللي فيهم الأمل؟ .. طيب و اعدادي و ثانوي و جيل كامل بايظ هنعمل فيه إيه؟
هل نبتدي من اصلاح المدارس و الفصول و الانشطة؟ .. طيب هنخلي الطلبة تروح ع المدارس إزاي اساسا؟
وهكذا إلى مالا نهاية ، فقد وصل التعليم خلال نصف قرن من قمته إلى قاعه .. يعني بالعربي .. تحت الصفر

بعفوية و بفطرة احساس معلمي مصر بواجبهم نحو بلدهم .. أجابوا عن هذا السؤال الذي لم نجد له إجابة ..
الحل هو رفع أجر المعلم .. هذا هو الحل السحري لمنظومة التعليم في مصر << إزاي بقى؟

9/17/2011

مبروك يا حسين

فكرة و جتلي و حبيت اكتبها .. بالعامية المصرية البسيطة
مبروك يا حسين

- مبروك يا حسين الفين مبروك
يحميه م العين ابنك مرزوق
- مرزوق؟ ودا مين؟
- علي اسم ابوك
- أو اقولك .. سيبك من مرزوق
سميه علي اسم الباشا الكبير
- قصدك محفوظ؟
- محفوظ الكبير
- راح أسمّي الواد عبد المتعال
علي الله حاله يصبح عال
يكبر و يشيل عني الاعمال
- طلعّه جزّار
- طلعّه شيال
- طلّعه سوّاق
- طلعّه خيّال
- طلّعه لعّيب كورة بملايين
- طلّعه من ضمن السياسيين

9/14/2011

فليحيا العملاء الخونة - فلتحيا المؤامرات الخارجية

انا سامع واحد داخل يقول : المدون اتجنن !!
طبعا دا مش صحيح .. لأن المدون اساسا مجنون من زمان .. من قبل ما يتنيل يدون ولا يكتب اي حاجة .. هو اللي يتفرج ع التليفزيون المصري يصبح عاقل؟
مين الخونة و العملاء دول اللي انا بشجعهم؟ ....
الخونة و العملاء الامريكان و الصهاينة و الباكستانيين و الافغانستانيين و الإيرانيين و الهنود الحمر .. و كل من شارك في المؤامرة الخارجية على مصر ..
افضل و أحلى و اهم مؤامرة في تاريخ مصر ..
ياريت كانت حصلت المؤامرة من زمان .. ياريت كل الناس دي اتحدت على اسقاط النظام المصري من 20 سنة قبل ما نشحت و نفرش الارصفة ..

طيب مين هم بقى الخونة دول؟ .. محنا لازم نحددهم ..

9/11/2011

الشيخ إمام .. تراث لا يموت


الشيخ إمام .. تراث لا يموت _-_ Sheik Emam .. heritage never die




الشيخ إمام واسمه الحقيقي إمام محمد أحمد عيسى (2 يوليو 1918 - 7 يونيو 1995)، ولد في قرية أبو النمرس بمحافظة الجيزة لأسرة فقيرة و كان أول من يعيش لها من الذكور حيث مات منهم قبله سبعة ثم تلاه أخ وأخت. أصيب في السنة الأولى من عمره بالرمد الحبيبي وفقد بصره بسبب الجهل واستعمال الوصفات البلدية في علاج عينه، فقضى إمام طفولته في حفظ القرآن الكريم وكانت له ذاكرة قوية.

مزيد من التفاصيل في صفحته علي الويكيبيديا هنــــــــــــــــــــــــا

وفى عام 1962، حدث اللقاء التاريخي بين الشيخ إمام عيسى وأحمد فؤاد نجم رفيق دربه، وتم التعارف بين نجم والشيخ إمام عن طريق زميل لابن عم نجم كان جاراً للشيخ إمام، فعرض على نجم الذهاب للشيخ إمام والتعرف عليه، وبالفعل ذهب نجم للقاء الشيخ إمام وأعجب كلاهما بالآخر.

وعندما سأل نجم إمام لماذا لم يلحن أجابه الشيخ إمام أنه لا يجد كلاما يشجعه، وبدأت الثنائية بين الشيخ إمام وأحمد فؤاد نجم وتأسست شراكة دامت سنوات طويلة.

ذاع صيت الثنائي نجم وإمام والتف حولهما المثقفون والصحفيون خاصة بعد أغنية: "أنا أتوب عن حبك أنا؟"، ثم "عشق الصبايا"، و"ساعة العصاري"، واتسعت الشركة فضمت عازف الإيقاع محمد على، فكان ثالث ثلاثة كونوا فرقة للتأليف والتلحين والغناء ساهم فيها العديد لم تقتصر على أشعار نجم فغنت لمجموعة من شعراء عصرها أمثال: فؤاد قاعود، ونجيب سرور، و توفيق زياد، وزين العابدين فؤاد، وآدم فتحى، وفرغلى العربى، وغيرهم.


نيجي بقي للحزء المهم من الموضوع و هو التعرف علي فن الشيخ امام و بعض أغانيه

أول أغنية معانا هي أغنية >> البحر بيضحك ليه

استماع



كلمات : أحمد فؤاد نجم
ألحان : الشيخ إمام

9/09/2011

قائمة بالصحف المصرية والعربية والعالمية


قائمة بالصحف المصرية و العربية و العالمية
قائمة  بمواقع الصحف و المجلات المصرية و العربية و العالمية الهامة
_-_-_-_-_-_-_-_-_-_-_-_-_-_-_-_-_-_-_
أولا : مواقع صحف مصرية
جريدة الدستور : اضغط هنــا
جريدة الشروق : اضغط هنا
جريدة الجمهورية : اضغط هنا
جريدة الوفد : اضغط هنا
جريدة المصري اليوم : اضغط هنا
جريدة الاهرام : اضغط هنا
جريدة الاهرام المسائي : اضغط هنا
جريدة المساء : اضغط هنا
جريدة أخبار اليوم : اضغط هنا
جريدة اليوم السابع : اضغط هنا
جريدة الاسبوع : اضغط هنا
مجلة روز اليوسف : اضغط هنا
جريدة القاهرة : اضغط هنا
جريدة المصريون : اضغط هنا
جريدة صوت الامة : اضغط هنا
-------------------------
ثانيًا : مواقع الصحف العربية

9/08/2011

الشيخة احــا - مبارك من الاشراف و جده سيدنا النبي !!



اسمعوا الشريفة الشيخة الهبلة الحمارة ام بدوي .. اهو شوية كوميديا بدل المر اللي شاربينه من المحاكمات

انا بس نفسي الخص بالكتابة اللي قالته في كام نقطة كدة ..
1- مبارك و اولاده و العادلي و لواءات الداخلية .. التهم المنسوبة اليهم باتلة (ايوة باتلة) .. عشان هما معملوش الكلام اللي اتهموا بيه
يا صلاه النبي .. اومال مين اللي عمل يا شيخة ام بدوي؟ .. كله جاي في السكة
2- اللي قتل المتظاهرين : إيران ، حزب الله ، فلستين (ايوة فلستين) ، و قطر و بعض ناس من الشيعة العراقيين .. هع

9/04/2011

بشار الاسد المعلم الكبير لزعماء العرب


عليا الطلاق بالتلاتة معلم ..
حد يقوللي ليه؟ .. هقوله عشان
لو عملنا مقارنة سريعة بين بشار الاسد و بين كل زعماء العرب هنلاقي ان بشار هو المعلم
و كلهم تلامذة
رغم انه لسة صغير يخواتي .. بس برنس ..
يمكن عشان اتعلم من الحج حافظ الله يرحمه؟

نبدأ على بركة الله
نروح على تونس و نشوف الثورة بدأت ازاي و خلصت ازاي ..
هنلاقي ان الشعب محسش بحاجة
هووووووب نزلوا مظاهرات .. هوووووووب الحج بن علي خلع .. هوووووب الثوار مسكوا البلد
إنما الحج بشار اول ما الناس نزلوا مظاهرات .. اداهم بالـ - لامؤاخذة - الجزمة

طيب نروح على مصر بلدي الحلوة
تلاقي الشعب نزل التحرير .. هوب النظام بدأ الحملة الوسخة بتاعته
اللي في التحرير إيرانيين , اللي في التحرير من حماس , لأ أجانب , لأ اسرائيليين , لأن بيتكلموا لغات اجنبية
دول بياكلوا كنتاكي و بيقبضوا دولارات , دول اجندة امريكية صهيونية امبريالية

و الشعب يا عيني صابر و متمرمط ..
تخيلوا واحد ابنه مات في مظاهرة ... فراح يعتصم في عز البرد ي يناير .. و ينام ع الاسفلت عشان عاوز حقه
و الاعلام يقول دا بياكلوا كنتاكي خخخخخخخخخخخخخخخخخخخخخ
دي مش ضحكة على فكرة (خخخخخخخخخ) دي شخرة !!

المهم النظام خلّص حملة الاجندات و العناصر الاجنبية , لقاها منفعتش
كانت بتنفع زمان لما كان آخرنا الاولى و التانية و الاخبار و الاهرام
إنما دلوقتي في قنوات ثورية محدش يقدر يقولها بم !!

دخلنا على حملة "بابا يا ولاد" .. بابا الرئيس عيب نقوله امشي
عيب يا ولاد كخ بابا حبيبنا !! .. لما بتتخانق مع ابوك بتطرده من البيت؟

اللهم سبحانك .. بابا مين يعم انت وهو .. دا لو ابويا قتل اخويا .. أديله بالجزمة !!

طلعنا من حملة "بابا ياولاد" و دخلنا في حوار "مسيرة الاصلاح"
ارحل يا مبارك << خلاص آديني غيرت الوزارة
يسقط مبارك << خلاص جمال مش هيترشح
ارحل ارحل << خلاص مش هترشح لفترة تانية

لغاية ما جه مبارك في آخر كلتمين و قرّب يقولنا : ابوس إيديكو سيبوني في الحكم لغاية آخر السنة .. قرّب يتشحفت هو راخر
اشمعنى الناس اللي اتشحتفت عليه و قالت بابا حوستي؟

يااااااااااااااااااااااااااااه ..
ثورة مصر كانت طويلة قوي .. 18 يوم اعتصام
و أخيرا .. جه الفرج !!

عم بشار بقى .. بدأ بحملة بالعناصر الاجنبية .. و قال قاااااااااااااااااااااااااطع عن سوريا كل شئ
اتصالات و انترنت و مية و نور و غاز ..
رجعهم للعصر الحجري .. و شغل الضرب في المليان .. و عليا و على اعدائي

;