5/24/2011

يوم خمسه وعشرين الماضى .. ايه مشاك عند التحرير ؟!!

هل هي مصادفة من (عم نجم) أم هو احساس .. أم هي رؤية؟!!

نتابع القصيدة التي كتبها الفاجومي في يناير 1973
و التي سأله فيها المحقق .. : يوم خمسه وعشرين الماضى .. ايه مشاك عند التحرير ؟!!!!!!!


ورقة من ملف القضية ..

انت شيوعى
انا مصراوى

انتومصايب

انتو بلاوى
ممكن اعرف مين الأول

بيكلمنى


احنا نيابة أمن الدولة
دولة مين

دولة مصر
مصر العشه

ولآ القصر


أيوه حنبدى ندور ونلف

حاجه تنرفز خالص

اف
مالك.. شايل طاجن خالك

لم لسانك ما تخرفش
أنا ما اقصدش اهانتك طبعا

ايوه استعبط
لا ما اعرفش

ايه رأيك فى سفارة كوريا
ايه رأيك فى قضية مصر

مصر فى وحده

هى وسوريا وليبيا

ولازم ييجى النصر
ييجى منين و ازاى ولمين

آدى كلام الشيوعيين
أنا من حقى

حق فى عينك
أنا بتكلم بينى وبينك

يعنى كلام بره التحقيق

اذا كانش يسبب لك ضيق


طيب قول
مين مسؤل ؟

مين مسؤل عن ايه يا أخينا
ع اللى جرى لنا ف غزه وسينا

أنت شيوعى أكيد وطاوعنى
فض دمغك من دى قضيه

شعبنا جاهل

مهما تقول له

مش حيآمن بالشيوعيه


ما الشيوعيه فى فيتنام

ايه رأيك فيهم يا همام

مش بطال مش بطال

لكن احنا .. ورانا عيال
طب ما نحارب

لجل عيالنا

يطلعوا أسعد من اجيالنا


انت الظاهر مخك فاضى

وحتتعبنى معاك ع الفاضى

وأنا بحبحت معاك بكفايه

ابقى اتفلسف عند القاضى
هى قضية ؟

لأ ملوخية

آمال فاهم ايه آمال

هى الدوله دى لعب عيال
ممكن أعرف أنا هنا ليه

أيوه حتعرف

أمال ايه
يوم خمسه وعشرين الماضى

ايه مشاك عند التحرير

5/23/2011

يا مصري ليه دنياك لخابيط .. و الغلب محيط _ علي الحجار



يا مصري ليه دنياك لخابيط .. و الغُلب محيط
و العنكبوت عشش عالحيط .. و سرح عالغيط
يا مصري قوم هش الوطاويط .. كفاياك تبليط
صعبة الحياة و الحل بسيط .. حبة تخطيط..

5/16/2011

معالجة الفتنة الطائفية في مصر عن طريق الدين .. يخلق فتنة جديدة



للأسف تتجه مصر إلى فتنة طائفية طاحنة بين مسلميها و أقباطها .. و يحاول العقلاء احتواء الازمة بطرق عديدة
فالتشدد الأمني تارة و بالحديث الناعم تارة أخرى .. و بحكاوي الوحدة الوطنية و التلاحم بين الاقباط و المسلمين أوقات أخرى .. 
لكن الأزمة تتلخص في معالجة الفتنة الطائفية - التي سببها الاختلاف الديني - بطريقة الدين أيضًا
فالأمر هنا أشبه بمحاولة اطفاء الحريق عن طريق سكب البنزين !!
;